Cikloni e shtresave të larta të atmoferës ende vazhdon të dominojë mbi rajonin tonë duke kushtëzuar mot mjat të paqëndrueshëm dhe me reshje shiu. Vende-vende ka edhe rrebeshe lokale shiu dhe kjo gjendje do të vazhdojë edhe sot dhe nesër. Normalisht në mbrëmje dhe gjatë natës pritet qetësim i atsmoferës.
Atmosfera do të destabilizohet përsëri nesër pasdite dhe do të sjellë rrebeshe lokale shiu me vetëtima dhe bubullimë. Temperaturat do të shënojnë ngritje graduale, ndërsa nga e enjta pritet fillimi i depërtimit të ajrit të nxehtë me origjinë nga Afrika Veriore. Gjithashtu do të kemi edhe dobësimin e ciklonit dhe shtrirjen e një mase ajrore atniciklonike. Atmosfera do të stabilizohet plotësisht në Shqipëri, por jo tërësisht në Kosovë sepse ende në disa rajone mund të ketë rrebeshe të izoluara të pasditeve.
Nga e premta ngritje e mëtutjeshme e temperaturave dhe shumë më shumë rreze diellore, por prapësprapë në disa rajone kryesisht kodrinore-malore në Kosovë mund të ketë ndonjë rrebesh të rrallë dhe shumë të izoluar shiu.
Pra, në përgjithësi nga nesër çdo ditë e më nxehtë por ende me rrebeshe lokale pasdite dhe në mbrëmje, kurse nga pasnesër rrebeshet do të rrallohen dukshëm./Meteoballkan
