Moti i vranët me shi e borë që mbajti gjatë tërë muajit Prill është gati në përfundim e sipër.
Nga e diela do të kemi fillimin e depërtimit të masave më të ngrohta nga Evropa me origjinë nga Afrika Veriore. Po ashtu edhe rreze diellore do të kemi më shumë.
Sidoqoftë gjatë javës tjetër nganjëherë priten edhe vranësira dhe riga ose rrebeshe lokale shiu, por temperaturat nuk pritet të shënojnë ulje të theksuara. Do të jenë ditë karakterike për stinën e pranverës: intervale kohore me diell, vranësira, nganjëherë edhe riga shiu ose rrebeshe të izoluara me vetëtima dhe bubullimë, të gjitha këto fenomene krejt normale për pranverë. Ajo çfarë është më e rëndësishta është ngritja e temperaturave dhe largimi përfundimtar i ajrit tê ftohtë Arktik thellë në veri./Meteoballkan
