Rajoni ynë edhe sot gjendet nën ndikimin e masave ajrore ciklonike, gjegjësisht pritet depërtimi i një fronti të ftohtë ajrori cili gjatë orëve të pasdites në Kosovë mund të kushtëzojë edhe rrebeshe lokale shiu me vetëtima dhe bubullimë. Reshjet nuk pritet të jenë gjithëpërfshirëse, ndërsa pas depërtimit të frontit do të kemi ngritjen rapide të presionit atmosferik.
Ngritja e presionit atmosferik nënkupton kthjellimin gradual të motit, pra largimin e vranësirave dhe stabilizimin e motit.
Anticikloni do të fuqizohet mbi rajonin menjëherë pas kalimit të frontit dhe do të ndikojë në kushtet sinoptike për disa ditë me radhe duke na siguruar mot kryesisht stabil nga dita e nesërme dhe me ngritje të temperatruave. Netët dhe mëngjeset normalisht do të jenë mjaft të freskëta dhe vende-vende me mjegull, por na presin disa ditë mjaft të këndshme dhe me shumë rreze diellore./Meteoballkan
