Sot në Kosovë do të mbajë mot kryesisht me diell dhe mjaft i nxehtë. Do të kemi fuqizim të erërave jugore dhe jugperëndimore si pasojë e frontit të fuqishëm të ftohtë ajror që do të përfshijë rajonin ballkanik por jo Kosovën. Temperaturat maksimale do të sillen rreth 32-33 gradë celsius në nivel vendi. Pasdite në disa rajone mund të ketë rrebeshe lokale shiu me vetëtima dhe bubullimë.
Edhe gjatë natës në disa rajone priten rrebeshe shiu me vetëtima dhe bubullimë.
Në Shqipëri sot mot me diell dhe mjaft i nxehtë. Pasdite në disa vise malore mund të ketë ndonjë rrebesh të izoluar shiu.
Edhe në Maqedoninë e Veriut dhe Mal të Zi nesër pritet të mbajë mot kryesisht me diell dhe mjaft i nxehtë. Pasdite në disa rajone priten rrebeshe të izoluara shiu.
Të hënën fronti do të na përfshijë edhe ne dhe do të kemi destabilizim të ri të motit. Priten zhvillime të vranësirave të cilat pasdite do të na sjellin rrebeshe lokalisht t; fuqishme shiu me vetëtima dhe bubullimë.Vende-vende mund të ketë rrebeshe të fuqishme. Priten edhe ulje të lehta të temperaturave. Në bregdet dhe Shqipërinë perëndimore dhe jugperëndimore reshjet do të jenë shumë më të rralla dhe më të izoluara.
