Sot në Kosovë pritet të mbajë mot me diell dhe shumë i nxehtë. Temperaturat shënojnë rritje të mëtutjeshme dhe ato maksimalet pritet të lëvizin nga 34 deri në 36 gradë Celsius.
Në Shqipëri dhe tërë rajonin tonë pritet të mbajë mot me diell dhe shumë i nxehtë. Temperaturat pritet të rriten deri në 38 gradë Celsius në Ultësiren Perëndimore, jugun e Malit të Zi dhe zonat e nxehta të Maqedonisë së Veriut.
Për fundjavë na pret mot edhe më i nxehtë. Rrezet përcëlluese diellore pritet të rrisin temperaturat deri në 38-39 gradë Celsius në Kosovë, ndërsa deri në 40-41 në zona të nxehta të Maqedonisë së Veriut dhe Luginës Perëndimore të Shqipërisë. Të dielën pasdite vonë në disa vise të Kosoves pritet freskim i motit me rrebeshe të izoluara shiu me vetëtima dhe bubullimë. Rrebeshe shiu priten edhe në veriun e Malit të Zi dhe disa zona kryesisht kodrinore-malore të Maqedonisë së Veriut. Në mbrëmje ulje të lehta të temperaturave dhe freskim i ajrit sidomos në Kosovë.
Nga e hëna përsëri mot me diell dhe shumë i nxehtë./MeteoBallkan
