Rrymimet ajrore nga Afrika Veriore kanë përfshirë viset që nga italia, Gadishullin Ballkanik, pastaj Evropën qendore, lindore dhe Rusinë. Në anën tjetër nga Atlantiku kanë depërtuar temperatura shumë më të freskëta në drejtim të Gadishullit Iberik, Mbretërisë së Bashkuar, Francës, Zvicrës, Gjemanisë dhe Skandinavisë. Aty ku janë takuar dhe kanë patur kontakt këto dy masa ajrore gjigande janë krijuar stuhi dhe shtrëngata të fuqishme me breshër.
Masat ajrore e lagshta dhe të freskëta çdo herë tentojnë të depërtojnë në drejtim të lindjes nga perëndimi dhe çdo kontakt me ajrin e nxehtë mund të shkaktojë mot të stuhishëm siç ndodhi dje në Slloveni dhe Kroaci ku u regjistruan stuhi apo shtrëngata ekstreme verore me breshër sa një top golfi e ndoshta edhe më të madh.
Këto fenomene ekstreme do të vazhdojnë edhe ditëve të ardhshme sepse i favorizon edhe situata sinoptike. Tek ne nuk priten fenomene të tilla në një të ardhshme të afërt, edhe pse nuk do të mungojnë rrebeshet e pasditeve me vetëtima dhe bubullimë në disa rajone të Kosovës. Ditët kur më së paku ka shancë për reshje shiu në Kosovë janë e enjta dhe shtuna kur edhe pritet të jetë shumë nxehtë me temperatura maksimale mbi 30 gradë celsius./Meteoballkan
