Faqja e njohur amerikane për parashikim të motit AccuWeather ka lansuar parashikimin e saj për pranverën 2019 në Evropë. Rajoni ynë sipas AccuWeather do të përballet me shira të shpeshta dhe stuhi të fuqishme shiu të cilat mund të shkaktojnë edhe vërshime lokale.
Sipas Accuweather shumica e territorit të Gadishullit Ballkanik përfshirë edhe Turqinë do të ketë stuhi të shpeshta me vetëtima dhe bubullimë që nënkupton rrebeshe të fuqishme shiu. Këtu përfshihen Kosova, Shqipëria, Maqedonia Veriore, Mali i Zi, Gjysma e Bsonjës dhe Kroacisë, Serbia, Hungaria,Italia jugore, Rumania, Bullgaria, Greqia dhe Turqia.
Evropa Qendrore dhe shumica e territorit italian do të përjetojë periudha të thatësisë dhe nxehtësisë, ndërsa Franca dhe Anglia periudha të motit të nxehtë. Gadishulli Iberik do të ketë mot kryesisht të thatë, ndërsa reshje të shpeshta shiu priten në Skandinavi, Skoci, Anglinë veriore, shtetet e Beneluksit, Gjermaninë dhe Poloninë veriore. Në Evropën veriore dhe lindore do të kemi fillim të vonuar të sezonit pranveror sipas AccuWeather./Meteoballkan
