Efekti i thuajse çdo krize është gati i njëjtë. Ata që nuk kanë bëhen edhe më të varfër.
E njëjta po ndodh edhe me valën e rritjes së çmimeve që ka krijuar “stuhinë perfekte” për të goditur jo vetëm xhepat, por tashmë edhe shëndetin mendor të qytetarëve.
Studime nga Organizata Botërore e Shëndetësisë, revista, “The Lancet” apo universiteti “Cambridge” tregojnë se stresi financiar kombinuar me të tjera pasiguri po mundojnë një pjesë të mirë të njerëzve duke iu prishur balancat emocionale.
Tërmeti, karantina si pasojë e Covid-19 e së fundmi kriza e çmimeve kanë bërë që numri i shqiptarëve që kërkojnë trajtim për shëndetin mendor në dy vitet e fundit të rritet me rreth 40 për qind.
