Stuhi e fuqishme pranverore e borës i kaploi shtetet qendrore të SHBA-së, ndërsa mediat lokale përkujtojnë se ky është cikloni i dytë i cili kalon përgjatë rajonit për vetëm një muaj.
Qindra fluturime janë anuluar, ndërsa disa rrugë janë të pakalueshme ose të mbyllura për shkak të aksidenteve të trafikut por edhe për shkak të dukjes së zvogëluar.
Sipas disa meteorologëve, stuhia mund të quhet “historike”, sepse pritet që të sjellë sasi të jashtëzakonshme të borës në mes të prillit, e madje edhe që të rrëzojë disa rekorde.
Shpejtësia e erërave tashmë arrin më shumë se 80 kilometra në orë. Paralajmërime për mot të rrezikshëm janë dhënë për të paktën gjashtë shtete nga Kolorado deri në Minesota.
Institucionet shtetërore në Dakotan Jugore janë mbyllur, shkollat gjithashtu nuk punojnë. Shumë amvisëri nuk kanë energji elektrike. Në shtet është shënuar edhe fenomen i rrallë i borës me bubullima.
Në Minesota, Garda kombëtare është në gjendje të gatishmërisë së rritur që të ndihmojë nëse situata përkeqësohet dhe njerëzit gjenden në vështirësi.
