Masat ajrore ciklonike të paqëndrueshme do të vazhdojnë të dominojnë mbi rajonin tonë edhe këtë fillim-javë, megjithatë nga mesi i javës këto masa të lagështa ajrore do të largohen nga rajoni ynë dhe vendin e tyre do të zënë masa stabile ajrore anticiklonike.
Dita e parë e javës do të karakterizohet me mot të ndryshueshëm ku paradite pritet mot kryesisht stabil dhe i nxehtë, kurse pasdite pritet destabilizim i motit me rrebeshe lokale shiu me vetëtima dhe bubullimë.
Të martën priten ulje të ndjeshme të temperaturave si dhe vende-vende edhe reshje apo rrebeshe shiu si dhe erëra të fuqishme veriore. Kjo vije për shkak të depërtimit të një fronti të fuqishëm të ftohtë ajror nga veriu i Kontinentit.
Sidoqoftë lajmi i mirë është se nga e mërkura pritet të kemi stabilizim gradual të motit. Vranësirat do të tërhiqen pothuajse tërësisht për tua lëshuar rrugën kthjellimeve dhe rrezeve diellore. Fillimisht do të jetë freskët por nga e enjta do të kemi depërtimin gradual të masave të nxehta ajrore me origjinë nga Afrika Veriore.
Pra nga mesjava pritet stabilizim i motit, kurse nga e enjta ngritje e ndjeshme e temperaturave, kështu që do ti kemi disa ditë tërësisht stabile, të kthjellëta dhe me diell nga mesjava e tutje. Edhe temperaturat do të jenë në suaza të normales për muajin Korrik.
Ishte ky parashikimi javor i motit dhe nëse ka ndonjë ndryshim eventual gjatë javës do tu njoftojmë në postimet tona të përditshme./Meteoballkan
