Pas temperaturave të ulëta dhe erërave të ftohta nga veriu të cilat na përcillën ditën e djeshme sot menjëherë ka filluar adveksioni i temperaturave pak më të larta që vijnë nga Mesdheu, megjithatë përkundër rrezeve diellore ende mbetet ftohtë për shkak të mbetjeve të ajrit të ftohtë polar.
Në foton kryesore kemi tempperatut në Evropë të regjistruara para një ore ku shihet në veri të Skandinavisë ishte -34 gradë Celsius. Normalisht më së ftohti është në Rusi dhe Skandinavi. Mjaft ftohtë po mbanë këto ditë edhe në jug të Suedisë. Në viset tona sipas këtij burimi temperatura më e ulët ishte -8 gradë Celsius dhe ajo në disa vise malore
Në shumë vise të Kosovës pati reshje bore të cilat në disa vise kodrinore-malore pati edhe reshje të dendura bore. Reshje bore pati edhe në shumë ultësira të Kosovës, por për shkak të temperaturae jo shumë të ulëta në tokë ato nuk mund të qëndronin. Ashtu siç e patëm theksuar edhe në parashikim në disa ultësira të Dukagjinit nuk pati fare reshje bore.
Sot dhe nesër temperaturat shënojnë rritje duke pas para sysh se gjendemi në Dhjetor. Gjatë fundjavës dhe javës së re temperaturat pritet të shënojnë ulje./MeteoBallkan
