Kanë filluar reshje shiu në disa pjesë të Dukagjinit dhe disa lexues na treguan se ka edhe rrebeshe lokale. Kjo shihet edhe nga disa radarë meteorologjik. Reshjet nuk kapin sipërfaqe të mëdha. Këto reshje do të vazhdojnë edhe gjatë orëve të ardhshme duke u zgjeruar gradualisht por do të jenë të karakterit lokal.
Edhe nesër priten reshje po në përgjithësi nuk priten reshje intensive me ndonjë përjashtim të vogël. Periudhat pa reshje do të jenë më të gjata se ato me reshje. Vende-vende ka gjasa edhe për ndonjë rrebesh lokal shiu me vetëtima dhe bubullimë. Gjasa më të mëdha për rrebeshe lokale shiu me vetëtima dhe bubullimë gjatë ditës së nesërme do të kenë disa pjesë të Shqipërisë dhe Maqedonisë së Veriut./Meteoballkan
