Cikloni i fuqishëm i cili pritet të formohet në Itali ka filluar të kushtëzojë reshje intensive në veriperëndim të Italisë, ndërsa parashihet të vjen direkt në trojet tona me reshje shiu, vende-vende të fuqishme dhe intensive.
Cikloni do të fillojë të ndikojë në kushtet e motit tek ne edhe më shpejtë se që ishte paraparë, duke krijuar kushte për vranësira dhe rrebeshe lokale shiu nga nesër (e diele) dhe atë në veri të Shqipërisë, por edhe veriperëndim dhe veri të Kosovës ku priten rrebeshe afatshkurtra shiu.
Në viset tjera deri të hënën parashihet të mbajë mot kryesisht me diell dhe me kalime të vranësirave.
Të hënën dhe të martën në tërë rajonin na pret mot kryesisht i vranët dhe me reshje shiu. Reshje të fuqishme shiu parashihen në Shqipëri dhe Mal të Zi ku mund të ketë edhe vërshime apo përmbytje. Reshje të dendura nganjëherë priten edhe në disa vise të Republikës së Kosovës e më shumë në rajonin e Dukagjinit në zonat e Pejës dhe Istogut.
Herë pas here priten rrebeshe lokale të fuqishme shiu me vetëtima dhe bubullimë. Shkarkesat amotsferike do të jenë më të pranishme në Shqipërisë dhe Mal të Zi e më të rralla në Kosovë.
Vlenë edhe njëherë të përmendet se në disa vise të Shqipërisë sidomos në veri e veriperëndim parashihen sasi të mëdha reshjesh që fare lehtë mund të qojnë në përmbytje të mëdha. Ne do të jemi duke përcjellur evoluimin e situatës sinoptike dhe për çdo ndryshim eventual do lajmërojmë në postimet tona të përditshme./MeteoBallkan