Tashme disa minuta më parë kemi hyrë në muajin Qershor i cili edhe shënon fillimin e verës klimatologjike që njihet në terminologjinë meteorologjike, ndërsa vera kalendarike apo ajo faktike fillon me 21 Qershor. Kjo pranverë do të mbahet mend për temperaturat mjaft të ulëta dhe reshje të shpeshta shiu të cilat na kujtonin më shumë stinën e vjeshtës se sa pranverën.
Sidoqoftë, në aspektin kalendarik kemi edhe tri javë pranverë dhe se temperaturat do të shënojnë ngritje graduale, edhe pse para nesh janë disa ditë mjaft jo stabile dhe me reshje të shpeshta shiu si dhe me rrebeshe lokale shiu me vetëtima dhe bubullimë. Dita e sotme do të ketë reshje simbolike apo të pakta dhe në shumë rajone nuk do të ketë fare reshje, ndërsa nga e diela do të shpeshtohen reshjet dhe rrebeshet e shiut me vetëtima dhe bubullimë në tërë rajonin duke përfshirë Kosovën, Shqipërinë, Maqedoninë e Veriut dhe Malin e Zi./Meteoballkan
