Shumë shtëpi në Londren perëndimore janë të rrezikuara nga zjarret e mëdha që kanë përfshirë malet përreth për shkak të temperaturave ekstremisht të larta sot në Britaninë e Madhe.
Portalet meteorologjike britanike kanë raportuar vatra të shumta zjarri në shumë pjesë të Anglisë, ndërsa gjendja më alarmante paraqitet në Londren perëndimore ku në këto çaste janë angazhuar 250 zjarrfikës duke luftuar 10 vatra zjarri, duke u përpjekur të shpëtojnë zonat e banuara.
Temperaturat mjaft të larta do të vazhdojnë edhe disa orë. Gjatë orëve të mbrëmjes dhe gjatë nates pritet që masa ajrore nga Atlantiku të “zbusë” situaten duke ulur temperaturat, por rreziku nga zjarret mbetet ende për shkak të mundësisë së përhapjes së tyre nga erërat./MeteoBallkan
