Një masë e re ajrore mjaft e nxehtë me origjinë direkt nga Afrika veriore do të përfshijë Kosovë dhe rajonin dhe do të kushtëzojë rritje të ndjeshme të temperaturave në të gjitha viset tona duke bërë vapën edhe më të “padurueshme”, megjithatë për disa rajone vapa e fortë nuk do të zgjasë shumë.
Vapa e fuqishme si pasojë e ajrit që vjen direkt nga Afrika veriore do të përfshijë Shqipërinë, Kosovën dhe Maqedoninë Veriore si dhe tërë rajonin, por të dielën në veri të Kosovës menjëherë do të fillojnë të depërtojnë masa më të freskëta ajrore nga me origjinë kontinentale.
Pra, nga veriu i Kontinentit do të fillojë zbutja e vapës së fuqishme verore së pari në veri të Kosovës, pastaj në pjesë të Kosovës afërsisht deri në jug, megjithatë vapa vazhdon me intensitet të lartë në Shqipërisë dhe pjesë të Maqedonisë së Veriut edhe të dielën e në fillim të javës së re.
Pra, freskia do të ndjehet në veri të Kosovës të dielen, por nuk do të ndjehet fare në Shqipëri dhe shumë pak do të ndjehet në Maqedoninë Veriore. Edhe në Kosovë freskia do të ndjehet më shumë sa më në veri të vendit e më në jug do të ndjehet më pak.
Sidoqoftë, kjo do të jetë freski e përkohshme dhe vapa do të vazhdojë edhe disa ditë në tërë rajonin.
Intensiteti më i fuqishëm i vapës në tërë rajonin do të jetë të shtunën, prandaj edhe po shkruhet ky artikull, kurse të dielën intensiteti i vapës do të bjerë pak në pjesë të Kosovës por do të vazhdojë në Shqipëri e Maqedoninë Veriore. Reshjet atmosferike nuk priten në asnjë vend.
Vapa e fuqishme verore do të vazhdojë edhe në fillim të javës së re me shumë pak gjasa për reshje. Në Kosovë do të jetë më e përballueshme e në Shqipëri më intensive.
Temperaturat të shtunën në Kosovë do të shkojnë deri në 35 gradë Celsius, për tu ulur për disa gradë të dielën.
Në Shqipëri shumë nxehtë si të shtunën, po ashtu edhe të dielën dhe në fillim të javës së re./MeteoBallkan
