Erërat të cilat po fryjnë janë në kuadër të frontit të ftohtë nga veriperëndimi i cili megjithatë arrin tek ne në formë mjaft të dobësuar në krahasim me Evropën dhe veçanërisht më pjesën veriperëndimore të Ballkanit ku sot pati reshje të dendura shiu, ndërsa në malet e Sllovenisë, Kroacisë dhe Bosnjë dhe Hercegovinës sot pati për herë të pare reshje të dendura bore.
Ky front gjatë orëve të ardhshme do të sjellë reshje lokale shiu edhe në territoret tona, por krahasuar me vendet e rajonit reshjet te ne do të jetë krejtësisht simbolike. Në malet e larta të Kosovës sonte ose herët në mëngjes duhet pritur reshje bore. Reshjet do të jenë simbolike dhe kalimtare sepse pas kalimit të frontit do të vjen deri të rritja e fuqishme e presionit atmosferik dhe me këtë nënkuptojmë fuqizimin e masave të thata anticiklonike të cilat do të dëbojnë vranësirat dhe reshjet rajoni ynë duke ua lëshuar rrugën kthjellimeve. Ky front do të ketë ndikim të mirë sidomos në përmirësimin e kualitetit të ajrit edhe pse shkurtimisht ngase kualiteti i ajrit do të përkeqësohet përsëri nga e mërkura-enjta, por për fundjavë do të kemi një sistem të ri frontal i cili do të ndikojë në përmirësimin e kualitetit të ajrit./Meteoballkan
