Është krijuar i ashtuquajturi ciklon gjenovian në Gjirin e Gjenoves në Itali, ciklon i cili formohet me depërtimin e fronteve të ftohta nga Atlantiku përmes Alpeve evropiane.
Cikloni po fuqizohet shumë dhe ndikimi i tij po ndjehet edhe në viset tona me fillimin e erërave jugore, por vranësirat e shiu arrijnë të Premten. Edhe sonte mund të ketë rrebeshe lokale në pjesët bregdetare të Shqipërisë, shumë më intensive thellë në veri dhe veriperëndim të vendit si dhe në Mal të Zi.
Cikloni masiv ka filluar të kushtëzojë reshje të dendura shiu në Slloveni, pjesë të Kroacisë, pastaj në jug të Gjermanisë, Zvicër, Austri, Sllovaki, Poloni etj. Reshjet më të dendura nga ky ciklon parashihen në Austri dhe Sllovaki ku mund të ketë përmbytje, pastaj në Slloveni po ashtu.
Me uljen e temperaturave në Alpet Austriake dhe Gjermane kanë filluar reshje të dendura bore të cilat priten edhe në Alpet Zvicerane lokalisht, pastaj deri në juglindje të Francës në perëndim dhe veri të Sllovenisë në Ballkan. Bora do të jetë karakteristikë vetëm e zonave malore, por mund të ndodhë që të paraqitet edhe në disa zona më të ulëta në Austri.
Reshje shiu dhe ulje e temperaturave nga ky sistem masiv do të ketë edhe në viset tona. Fillimisht në pjesë të Shqipërisë dhe Mal të Zi, ndërsa të Premten edhe në Kosovë, Maqedoninë Veriore dhe Luginë të Preshevës. Mund të ndodhin përmbytje në veri të Shqipërisë, Mal të Zi dhe Hercegovinë.
Temperaturat e shënojnë ulje të ndjeshme në fundjavë dhe mund të ketë fjolla bore në viset më të larta malore edhe në Bosnjë dhe Hercegovinë, Mal të Zi. Kosovë, Maqedoni Veriore dhe disa nga majat e bjeshkëve të Shqipërisë.
Pra, shfrytëzoni ditën e sotme, sepse nga e premtja presim shumë vranësira, freski dhe herë pas here reshje e rrebeshe lokale shiu me vetëtima dhe bubullimë.
Përmbytje më të mëdha mund të ndodhin në Austri, Sllovaki, jugperëndim të Polonisë dhe shtetet përreth, pastaj edhe në Slloveni parashihet sasi shumë e madhe e shiu. Përmbytje lokale mund të ketë edhe në disa pjesë të Kroacisë, Bosnjës dhe Hercegovinës dhe Malit të Zi.
Informacione tjera kur të kemi përditësimin e kartave meteorologjike./MeteoBallkan
