Një front i dobët i ftohtë ajror ka arritur sot të depërtojë në disa pjesë të Ballkanit dhe ka shkaktuar destabilizim të motit si dhe në disa rajone edhe freskim.
Rrebeshe lokale shiu me vetëtima dhe bubullimë pati gjatë ditës së sotme në Slloveni, ndërsa në këto çaste ka në Kroaci dhe Bosnjë në froma të izoluara. Me avancimin e frontit në drejtim të lindjes dhe jugut do të dobësohet por gjatë mbrëmjes dhe nesër do të mund të vërejmë ndikimin e tij edhe ne ku mund të ketë vranësira kalimtare, kurse në viset kodrinore-malore në Kosovë nesër mund të ketë edhe rrebeshe të izoluara shiu me vetëtima dhe bubullimë. Edhe pse mund të ketë freskim afatshkurtër prapëseprapë nxehtësia do të dominojë në viset tona.
Nga e shtuna përsëri do të kemi kthjellime të plota dhe nxehtësi./Meteoballkan
