Fronti i ftohtë i cili do të na përkutojë vjeshtën e vonë ka filluar të duket në veri të Evropes. Ky front shtrihet që nga veriu i Rusisë, përmes vendeve të Beneluksit e deri në Francë dhe është duke rrugëtuar direkt në drejtim të rajonit tonë. Në Kosovë fronti do të arrijë nesër, kurse në Shqipëri pasnesër.
Në Kosovë priten ulje të theksuara të temperaturave por reshjet do të jenë simbolike, vende-vende mund të ketë rrebeshe kalimtare shiu me vetëtima dhe bubullimë, ndërsa në Shqipëri priten reshje më të mëdha por edhe atje do të jenë kalimtare gjatë ditës së enjte.
Karakteristikë kryesore e këtij fronti të ftohtë ajror për Kosovën do të jenë erërat e ftohta veriore, ulja e ndjeshme e temperaturave dhe vranësirat e dendura, ndërsa në Shqipëri priten edhe reshje atmosferike të cilat mund të jenë të dendura në raste por kalimtare.
Pas kalimit të frontit pritet kthjellim i motit dhe nuk përjashtohet mundësia që në disa rajone të ketë ngrica të dobëta afatshkurtëra në Kosovë, natën mes së entjes dhe të premtes dhe natën mes së premtes dhe së shtunes . Të shpresojmë që jo./Meteoballkan
