Fronti i fuqishëm i ftohtë ajror me origjinë polare ka përfshirë shumë pjesë të Evropës perëndimore dhe veriore. Fronti i ftohtë i shoqëruar edhe me reshje shiu, rrebeshe shiu, madje edhe me reshje bore ka shkaktuar ulje të theksuara të temperaturave.
Masa e ftohtë ajrore shtrihet që nga veriu i largët i Kontinentin e deri në Gadishullin Iberik dhe nesër do të përfshijë edhe disa pjesë të Gadishullit Ballkanik, por tek ne nuk priten ulje të mëdha të temperaturave sepse sistemi frontal do të dobësohet deri sa të arrijë territoret tona, kurse energjia kryesore nga ky sistem do të shkojë në drejtim të Evropes veriore dhe verlindore, duke mos përjashtuar edhe Evropen Perëndimore, qendrore dhe lindore.
Ky front i fuqishëm i ftohtë ajror ka kushtëzuar reshje shiu dhe rrebeshe veçanërisht në Francë. Gjermani etj, madje në Gjermaninë jugore dhe juglindore ka patur edhe reshje dëbore dhe atë në zona mjaft të ulëta mbidetare. Përderisa shumica e Kontinentit evropian mbetet nën ndikimin e masave të ftohta ajrore polare ne jemi nën ndikimin e masave të nxehta ajrore.
Kosova do të preket vetëm pak nga ky front dhe atë pasditen e nesërme dhe nga pasnesër përsëri do të rikthehen masat stabile anticiklonike dhe të nxehta me origjinë nga Afrika veriore./Meteoballkan
Imazhi nga: Severe weather europe
