Fronti i ftohtë ajror i cili sot përfshiu Kosovën ka shkaktuar ulje të temperaturave dhe freskim të motit. Reshje atmosferike nuk pati me disa përjashtime, pra fronti ishte kryesisht i thatë.
I njëjti front përfshiu mbrëmë Slloveninë, Kroacinë, Bosnjën dhe Serbinë ku pati edhe rrebeshe lokalisht të fuqishme shiu me vetëtima, bubullimë dhe breshër, por deri sa arriti në Kosovë fronti i humbi vetitë për të sjellur reshje atmosferike.
Nesër na pret mot i freskët, por me shumë më pak vranësira që do të thotë se do të kemi intervale të gjata kohore me diell. Nata dhe mëngjesi do të jenë mjaft të freskëta. E kemi fjalën gjithnjë për viset tona kontinentale ku fronti po ndjehet më shumë.
Nga e marta do të kemi mot më stabil dhe me ngritje të temperaturave, por nuk pritet nxehtësi e madhe./Meteoballkan
