Cikloni dhe fronti i ftohtë kanë përfshirë shumë pjesë të Ballkanit me reshje shiu të cilat me uljen e temperaturave janë shndërruar në reshje bore në viset kodrinore-malore si në Slloveni, Kroaci dhe pjesë të Bosnjës, por ne ende gjendemi nën ndikimin e rrymave të ngrohta ajrore para-ciklonike dhe para-frontale.
Gjatë natës fronti do të përfshijë edhe rajonin tonë me reshje shiu e bore në viset kodrinore-malore. Nuk pëejrashtohet mundësia që te ketë edhe rrebeshe shiu me vetëtima dhe bubullimë. Temperaturat pritet të pësojnë ulje të theksuar për shkak të erërave veriore dhe veriperëndimore. Në disa ulëtsira përpos reshjeve të shiut priten edhe reshje shqote dhe bore, por borë nuk do të ketë në tërë territorin e Kosovës. E tëra varet nëse temperaturat e ulëta që favorizojnë borën depërtojnë edhe nëpër tërë ulëtsirat, por kjo për momentin nuk duket se do të ndodhë, sidoqoftë reshje bore dhe shqote do të ketë në shumë rajone të Kosovës që kanë lartësi pak më të lartë mbidetare duke përfshirë edhe disa qytete e qyteza të Republikës së Kosovës.
Pra, nesër na pret mot i ftohtë, me shi e vende-vende edhe me shqotë e borë. reshje shiu priten edhe në Shqipëri dhe Maqedoninë veriore. Vende-vende edhe reshje bore sidomos në shumë vise kodrinore-malore./Meteoballkan
