Ajri i ftohtë polar është prezent në rajonin tonë, ndërsa gjatë natës së sontme pritet të shtrihen masa të lagshta ajrore në kuadër të një fronti të fortë, të ftohtë ajror që vjen nga veriperëndimi.
Ky front pritet të jetë mjaft i pasur me lagështi dhe në kombinim me temperaturat e ulëta do të na sjellë reshje të dendura shiu e bore në viset pak më të larta mbidetare. Gjatë orëve të hershme të mëngjesit të nesërm fjolla estetike bore mund të ketë edhe në disa ultësira për shkak të ardhjes së reshjeve në orët e mëngjesit kur temperaturat janë më të ulëta.
Në përgjithësi nëpër ultësira priten reshje të dendura shiu dhe këto reshje do të jenë shumë të mirëseardhura ngase kemi thatësi dhe mungesë reshjesh sidomos në Kosovë.
Pra, dita e nesërme në Kosovë do të karakterizohet me vranësira të dendura dhe reshje shiu, shqote, kokrrizi të imët e bore, varësisht nga rajoni në rajon, relievi, temperaturat e faktorë tjerë vendimtar meteorologjik. Reshjet mund të jenë të dendura ndoshta për disa orë në disa rajone. Reshjet e dendura të borës shkurtimisht mund të paraqiten në shumë pjesë të Kosovës, por më shumë priten në disa vise ku tradicionalisht bije borë sidomos në rajonin e Llapit ku mund të ketë akumulime dhe shtresa dekorative bore, madje shkurtimisht deri në 10 cm., lokalisht edhe më shumë, por gjatë orëve të mesdites temperaturat pritet të shënojnë rritje dhe bora pritet të kalojë në shi. Pasdite ose nê mbrêmje dobësim i reshjeve dhe gjatë natës kthjellim gradual i motit.
Të enjtën na pret mot pak më i ngrohtë, por rikthehen vranësirat dhe rigat e shiut herë pas here. Nga e premta njdeshëm më ngrohtë dhe me mundësi për shtrëngata lokale me shi./MeteoBallkan