Fronti masiv i ftohtë ajror që shtrihet që nga Afrika veriore deri në Atlantikun verior në veri të Evropes ka marrë formë dhe po rrugëton në drejtim të lindje dhe juglindjes duke destabilizuar motit në trajetkoren e tij.
Fronti do të arrijë në Itali dhe veri të Ballkanit fillimisht duke sjellur stuhi dhe rrebeshe intensive që nga pjesët qendrore të Italisë deri në Vojvodinë, ndërsa reshjet dhe stuhitë do të fillojnë në Slloveni, pastaj në Kroaci, Bosnjë dhe Hercegovinë, Mal të Zi, Shqipëri, Kosovë dhe Serbi.
Në shtetet e përmendura më lartë fronti do të depërtojë gjatë 24 orëve të ardhshme, ndërsa në Shqipëri, Kosovë dhe Maqedoninë Veriore gjatë 48 orëve të ardhshme.
E kemi cekur dhe përmendur edhe më herë se përpara frontit (të shtunën) do të ketë rritje të ndjeshme të mëtutjeshme të temperaturave, ngase fronti grumbullon masën më të nxehtë ajrore përpara depërtimit të tij. Me depërtimin e tij fillon ulja rapide e temperaturave.
Pra, nesër stuhi të fuqishme priten në rajon, që nga Italia, Sllovenia, Kroacia, Bosnja dhe Hercegovina dhe Serbia.
Të dielën stuhi të fuqishme priten lokalisht në Shqipëri, Mal të Zi, Kosovë, Maqedoninë e Veriut dhe Luginën e Preshevës. Disa nga këto stuhi mund të jenë mjaft të fuqishme dhe po ashtu mund të jenë mjaft problematike, me reshje shumë intensive brenda një perudhe të shkurtër kohore, shkarkesa shumë të fuqishme atmosferike, erëra të stuhishme kalimtare dhe breshër masiv.
Kënaquni edhe një ditë me temperatura shumë të larta, pastaj pason ulja e tyre, por pas dy tri ditëve përsëri pritet stabilizim i motit dhe rritje graduale e temperaturave./METEOBALLKAN
