Një front i ftohtë ajror nga veriu dhe veriperëndimi do të depërtojë në Kosovë dhe rajon gjatë 24 orëve të ardhshme duke shkaktuar përkeqësim të motit, reshje kalimtare shiu dhe ulje të temperaturave.
Filimisht reshje dhe rrebeshe lokale shiu priten në Kosovë dhe Luginën e Preshevës, pastaj deri nesër pasdite ajri jo-stabil do të arrijë në Shqipëri duke kushtëzuar rrebeshe lokalisht të fuqishme me bubullima atje.
Ardhja e këtij fronti do të shkaktojë ulje të temperaturave sidomos në Kosovë dhe zonat tjera kontinentale të rajonit. Gjatë dhe pas kalimit të frontit do të fryjnë erëra mjaft të freskëta nga veriu dhe verilindja. Lokalisht do të ketë reshje kalimtare.
Të premten dhe të shtunen do të kemi më të mirë, me më shumë intervale kohore me diell dhe shumë pak reshje atmosferike., megjithatë në Shqipëri do të ketë më shumë vranësira për shkak të masave ciklonike në Itali.
Nga e diela na pret mot i paqëndrueshëm, me intervale kohore me diell dhe vranësira e rrebeshe lokale shiu kryesisht orëve të pasdites dhe mbrëmjes. Reshjet do të jenë të karakterit lokal./METEOBALLKAN
