Edhe pse te ne ende moti është mjaft i favorshëm dhe i ngrohtë, në Slloveni ka filluar depërtimi i frontit të fuqishëm të ftohtë ajror i cili fillimisht pritet të kushtëzojë reshje shiu, pastaj edhe reshje bore.
Reshje të dendura shiu priten në Slloveni, Kroaci, Bosnjë dhe Herecegovinë, Mal të Zi dhe Shqipëri. Në zonat kodrinore/malore që nga Sllovenia e deri në veri të Shqipërisë priten përsëri reshje të dendura bore. Reshje sporadike bore mund të ketë edhe në shumë ultësira të Ballkanit verior/perëndimor.
Në Shqipëri dhe Kosovë pa reshje deri nesër, kur edhe priten riga lokale shiu dhe rrebeshe shiu. Në bregdet edhe vetëtima dhe bubullimë. Të mërkurën ulje të temperaturave me reshje lokale shiu, ndërsa nê viset kodrinore-malore edhe reshje bore. Fjolla dëbore mund të ketë edhe në disa vende më të ulëta në Kosovë, ndërsa në Slloveni, Kroaci, Bosnjë dhe Hercegovinë dhe Mal të Zi pritet dimër i vërtetë në viset kodrinore-malore./Meteoballkan
