Gjatë orëve të ardhshme në territorin e Republikës së Kosovës do të fillojnë reshje të dendura shiu, vende-vende ka mundësi që të kemi edhe rrebeshe të fuqishme lokale me vetëtima dhe bubullimë, kurse gjatë kalimit të frontit dhe pas priten erëra të fuqishme veriore. Gjatë orëve të mbrëmjes me uljen e temperaturave në viset malore do të fillojnë reshje të dendura bore kurse me depërtimin e mëtujeshëm të temperaturave të ulëta reshjet e borës mund të paraqitën edhe nëpër ultesira.
Reshjet e shiut do të përfshijnë edhe Republikën e Shqipërisë dhe Maqedonisë vonë gjatë mbrëmjes, ku në viset malore do të ketë reshje bore, ndërsa me uljen e temperaturave reshje kalimtare bore mund të ketë diku në verilindje, lindje dhe juglindje të Shqipërisë si dhe në Maqedoni. Gjatë natës dhe ditën e nesërme priten ulje të theksuara dhe të ndjeshme të temperaturave me erëra mesatare dhe të ftohta veriore.
Para frontit kemi masa ajrore mjaft të nxehta, kurse pas frontit do të depërtojnë masa ajrore mjaft të ftohta dhe kontakti në mes të këtyre masave ajrore mund të na sjellë edhe rrebeshe me vetëtima dhe bubullimë. /Meteoballkan.
