Gushti i vitit 2025 po karakterizohet me nxehtësi dhe thatësi edhe pse temperaturat kanë shënuar ulje ditëve të fundit dhe po ashtu pati reshje lokale atmosferike të cilat vetëm në disa zona të pakta zbutën thatësinë ekstreme.
Në përgjithësi vazhdon thatësia me përmasa të mëdha në gati të gjitha viset tona, ndërsa presim rritje të reja të temperaturave.
Java e fundit e Gushtit filloi kryesisht me diell dhe vranësira lokale dhe paksa e freskët, por temperaturat do të rriten gjatë ditëve tjera të javës.
Nga e Marta e sidomos nga e Mërkura masa të nxehta ajrore me origjinë nga Afrika veriore do të depërtojnë sërish në viset tona dhe si pasojë priten sërish temperatura të larta.
Këto masa të nxehta ajrore së bashku me anticiklonin stabil do të garantojnë disa ditë të nxehta dhe plotësisht të thata, mirëpo fundjava ka sinjale për depërtimin e një fronti të ftohtë ajror i cili do të sjellë rrebeshe lokale shiu me vetëtima dhe bubullimë dhe ulje të temperaturave.
Pra, nga nesër e Martë e deri të Shtunën do të jetë çdo ditë nxehtë e më nxehtë, ndërsa të shtunën fillimisht në Shqipëri, pastaj edhe në pjesët tjera të viseve tona masa më të lagështa dhe jo-stabile ajrore pritet të depërtojnë duke kushtëzuar reshje shiu dhe rrebeshe lokale me vetëtima dhe bubullimë.
Temperaturat do të kulmojnë të Enjten dhe sidomos të Premten, por edhe e Shtuna do të jetë mjaft e nxehtë para fillimit të jo-stabiliteteve eventuale atmosferike.
Pas freskimit afatshkurtër të motit dhe ndërprerjes së valëve të fuqishme të nxehtësisë tropikale, temperaturat do të shkojnë mbi 30 gradë Celsius nga e Mërkura deri të Shtunën duke kulmuar ditën e Premte me 35 gradë Celsius në Kosovë, ndoshta edhe ndonjë gradë më lartë. Ngjashëm do të jetë edhe në Shqipëri dhe Maqedoninë Veriore.
Të Shtunën destabilizim i atmosferës fillimisht në Shqipëri, pastaj edhe në Kosovë. Sipas të gjitha gjasave vranësirat e shiut pritet të vinë vonë pasdite ose mbrëmjen e së Shtunës, por kjo mund të ndryshojë
E Diela pritet të jetë më e freskët dhe me reshje të herëpashershme lokale shiu me vetëtima dhe bubullimë.
Ishin këto disa detaje për motin gjatë javë së fundit të Gushtit 2025. Ndryshime të vogla në parashikim pritet të ketë dhe për çdo ndryshim eventual do të njoftoheni me kohë në postimet tona të përditshme./MeteoBallkan
