Masa të nxehta ajrore me origjinë nga Afrika Veriore do të fillojnë të depërtojnë në drejtim të rajonit tonë posaqërisht nga e shtuna. Edhe nesër do të ketë gjasa për rrebeshe të izoluara shiu me vetëtima dhe bubullimë, ndërsa pasnesër në tërë rajonin do të jetë ditë e këndshme dhe pa reshje atmosferike me ngritje të temperaturave. edhe pse vranësirat e herëpashershme nuk do të mungojnë. Të dielën mot edhe më i nxehtë në tërë rajonin por në disa pjesë të Kosovës do të ketë gjasa për rrebeshe të izoluara pranverore të pasdites.
Në rajonet ku ditëve të fundit ka pasur reshje të dendura dhe vërshime (Bosnjë, Kroaci, Serbi) do të vazhdojë mot mjaft jo stabil dhe me rrebeshe lokale të fuqishme shiu me vetëtima dhe bubullimë. Jostabilitetet nganjëherë do të përfshijnë edhe vendet tona siç do të jetë rasti ditën e hënë. Më së paku reshje do të ketë në jug të Shqipërisë, ku do të jetë edhe më së nxehti./Meteoballkan
