Një gazetar amerikan ka mbetur i befasuar dhe i zhgënjyer nga ajo që gjeti gjatë vizitës së tij në ishullin e famshëm të Santorinit në Greqi.
Në një video që ka shkuar virale në rrjetet sociale dhe ka shkaktuar një debat të gjerë, ai shprehet se ky “ishull është i vdekur” për momentin dhe ka ngritur disa pyetje të rëndësishme lidhur me sezonin turistik të këtij viti.
Sipas tij, gjatë vizitës së tij ka vënë re se ka disponueshmëri në të gjithë ishullin.
“Është fundjavë në mes të korrikut, piku i sezonit turistik, dhe ka ende vende të disponueshme, çmimet janë të ulëta në Santorini. Nuk kam rezervuar akoma një dhomë hoteli për sonte; do të hyj në qytet dhe do të zgjedh një hotel me çmim të lirë. A e di dikush pse ishujt grekë janë të zbrazët këtë vit?” – shprehej ai në videon e tij.
Mjaft njerëz komentuan në videon e tij. Shumica prej tyre thonë se çmimet janë rritur jashtëzakonisht shumë dhe turistët po paguajnë më shumë se ç’duhet.
@robertshermantv Book Santorini now if you want to go for cheap #greekisles #cheap #travel #budgettravel #greece #santorini ♬ original sound – robertshermantv
