Turqia e jugut është përfshirë nga përmbytje masive që kanë sjellë dëme të mëdha materiale dhe viktima në njerëz. Por, përveç ujit dhe baltës, një tjetër problem i madh po del në pah nga vërshimet e ujërave, teksa nëpër rrugët e qyteteve turke janë shfaqur gjarpërinjtë.
Më së shumti janë vënë re gjarpërinj në rrugët e lagjes “Karaköprü” të Şanliurfas, ndërsa pamjet janë shpërndarë në rrjetet sociale.
9 persona humbën jetën në këtë qytet pasi reshjet e shiut që nisën mbrëmjen e djeshme dhe vazhdojnë edhe sot u shndërruan në përmbytje masive vdekjeprurëse.
Guvernatorja e Şanliurfas ka bërë thirrje që qytetarët të mos largohen nga shtëpitë dhe zonat e sigurta nëse nuk është e nevojshme, ndërsa ka paralajmëruar ata që banojnë në banesa pranë përroit dhe shtretërve të kanaleve që të lirojnë banesat e tyre.
