Cikloni i fuqishëm i cili është krijuar në Mesdhe gjatë rrugëtimit të tij në drejtim të rajonit tonë dë të tërheqë masa të nxehta ajrore nga Mesdheu dhe në këtë mënyrë reshjet do të vijnë në formë shiu. Në fillim reshjet mund të jenë edhe të përziera me borë sidomos në viset malore por pastaj do të shndërrohen në reshje shiu si rezultat i depërtimit kontinuel i masave ajrore të nxehta nga Mesdheu në shtresat e larta atmosferike mbi rajonin tonë.
Reshje shiu fillimisht do të nisin në shumë rajone të Shqipërisë dhe pastaj do të shtrihen në drejtim të Kosovës dhe Maqedonisë.
Gjatë natës së vonshme dhe nesër në tërë rajonin tonë do të kemi reshje solide shiu të cilat do të jenë jashtëzakonisht të mirëserardhura në tokën e thatë pas mungesës së madhje të reshjeve atmosferike. Në disa rajone priten edhe reshje të dendura shiu kurse në shumë vende bregdetare të Shqipërisë priten edhe rrebeshe lokalisht të fuqishme shiu me vetëtima dhe bubullimë. Reshje të fuqishme shiu priten edhe në Mal të Zi dhe Kroaci, kurse reshje mesatare bore priten në Slloveni sepse Sllovenia do të gjendet në sektorin e ftohtë të ciklonit.
Ky është një lajm jashtëzakonisht i rëndësishëm sidomos për bujqit tanë të cilët kanë mbetur pa punuar për shkak të thatësisë ekstreme. Meteoballkan.
