Trupat e pesë skiatorëve të zhdukur janë gjetur në Alpet zvicerane, ka thënë policia.
Autoritetet lokale janë ende në kërkim të një personi të gjashtë.
Një operacion i madh kërkimi dhe shpëtimi filloi të shtunën pasi grupi u zhduk afër malit 3.706 metra të lartë, të quajtur Tete Blanche, raporton BBC.
Ata ishin nisur nga Zermatt, në një turne skish drejt Arollas përgjatë kufirit zvicerano-italian.
“Pesë nga gjashtë skiatorët u gjetën në orën 21:20 me orën lokale, pa shenja jete”, tha një deklaratë nga policia zvicerane e kantonit Valais.
Autoritetet i kishin thënë më parë BBC-së se skiatorët ishin të gjithë shtetas zviceranë dhe ishin të moshës nga 21 deri në 58 vjeç.
Policia lokale tha se ekipet në të dy anët e rrugës ishin alarmuar dhe ishin në gatishmëri për të vepruar, por moti i keq po pengonte operacionin.
Prej disa ditësh në Alpe fryn erëra të forta dhe gjatë 24 orëve të fundit reshje të dendura bore.
