Mbi rajonin tonë në këto momente gjendet masa mjaft e nxehtë ajrore nga veriu i Afrikes dhe për këtë arsye është mjaft nxehtë në tërë territorin e rajonit tonë. Njëkohësisht nga perëndimi i kontinentit po afrohet fronti i ftohtë ajror i cili përbëhet edhe nga vranësira të shumta dhe reshje atmosferike. Sot gjatë pasditës priten reshje shiu, lokalisht edhe rrebeshe të fuqishme shiu me vetëtima bubullimë dhe breshër, duke filluar nga Sllovenia, Kroacia, Bosna. Gjatë natës fronti do të përfshijë edhe Malin e Zi dhe disa pjesë të Serbisë, kurse nesër fronti do të përfshijë Shqipërinë, Kosovën dhe Maqedoninë e Veriut.
Në Shqipëri, vende-vende priten rrebeshe të fuqishme shiu posaqërisht në veri, veriperëndim dhe qendër të vendit. Jugu i skajshëm mund të mbetet pa reshje. Rrebeshe lokale shiu me vetëtima dhe bubullimë duke mos përjashtuar edhe breshërin nesër priten edhe në shumë pjesë të Republikës së Kosovës dhe Maqedonisë së Veriut. Para frontit fryjnë erëra të nxehta jugore dhe për këtë arsye sot është kulminacioni i të nxehtit tek ne, kurse nesër pas frontit erëra do të fillojnë të fryjnë nga veriu dhe veriperëndimi duke ulur temperaturat./Meteoballkan
