Për momentin rajoni ynë në mes të dy masave ajrore – masës së fuqishme anticiklonike me qendër në juglindje të Evropës dhe jug të Rusisë dhe masave ciklonike në veriperëndim të Evropës dhe Mesdhe. Këto dy masa ajrore janë në luftë të vazhdueshme për dominim. Sot kemi dominim anticiklonik dhe moti është i mirë dhe me diell, por nesër do të kemi situatën më ndryshe ngase anticikloni do të tërhiqet për t’ia lëshuar vendin ciklonit nga Mesdheu i cili do të na sjellë reshje të reja atmosferike dhe erëra herë pas here dhe vende-vende të fuqishme jugore.
Në Shqipëri priten reshje intensive shiu sidomos në jug dhe jugperëndim të vendit ku do të ketë edhe rrebeshe të fuqishme shiu me vetëtima dhe bubullimë. Reshje intensive lokalisht priten edhe në rajonet tjera. Në Kosovë reshjet do të arrijnë vonë pasdite ose në mbrëmje dhe reshjet do të jenë të intensiteti mesatar por në disa intervale kohore do të ketë reshje intensive edhe në Kosovë dhe Maqedoninë e Veriut./Meteoballkan
