E gjithë kjo pranverë ishte me vranësira të shpeshta, intervale kohore me diell dhe reshje të shpeshta lokale shiu, ndërsa temperaturat ishin kryesisht rreth vlerave mesatare e shumë ditë edhe nën vlerat mesatare për këtë periudhë kohore. Ditët me diell ishin mjaft të rralla deri sot, por në Shqipëri kishte më shumë ditë me diell.
Kjo situatë po ndodhë për shkak të qarkullimit të vazhdueshëm të masave ajrore të paqëndrueshme në rajonin tonë, Itali dhe Mesdheun perëndimor e qendror.
Edhe ditëve të ardhshme nuk janë aq premtuese, ngase vazhdon gjendja pothuajse e njëjtë sinoptike sidomos për zonat kontinentale të territoreve tone. Parashihen vranësira të përditshme, por shpeshherë edhe intervale kohore me diell të cilat nuk do të jenë të mjaftueshme. Në viset bregdetare do të ketë intervale më të gjata kohore me diell, megjithatë ditëve të ardhshme edhe në viset bregdetare do të ketë reshje të herëpashershme dhe alternime mes vranësirave e intervaleve kohore me diell.
Sipas ecurive aktuale sinoptike ka gjasa që nga data 12 Qershor të ketë ulje të temperaturave dhe reshje shiu më të intensifikuara, por kjo mbetet të shihet./METEOBALLKAN
