Mbi rajonin tonë po vazhdon mot kryesisht stabil dhe i ngrohtë. Vende-vende ka zhvillime të disa vranësirave lokale, por kryesisht pa reshje atmosferike, ndërsa nuk përjashtohet mundësia për ndonjë rigë ose rrebesh në disa zona krejtësisht të izoluara. Temperaturat po shënojnë rritje për shkak të depërtimit të masave të ngrohta ajrore nga perëndimi dhe jugperëndimi.
Mot i ngjashëm na pret edhe nesër me ndonjë gradë edhe më nxehtë, ndërsa të premtën, përpos intervaleve kohore me diell vende-vende do të ketë gjasa për zhvillime të vranësirave të shiut të cilat mund të kushtëzojnë rrebeshe lokale shiu me vetëtima dhe bubullimë.
Më së shumti zhvillime të vranësirave parashihen në veri dhe veriperëndim të Shqipërisë ku herë pas here priten rrebeshe shiu me bubullima, ndërsa në viset tjera parashihen më shumë intervale kohore me diell dhe zhvillime të rralla e të izoluara. Temperaturat nuk shënojnë ulje të ndjeshme përpos në rajonet e rrebesheve.
Për fundjavë do të vazhdojnë alternimes mes vranësirave dhe intervale të gjata kohore me diell. Vende-vende do të ketë gjasa për rrebeshe lokale shiu me vetëtima dhe bubullimë. Temperaturat do të shënojnë ulje të lehta në viset kontinentale, ndërsa në viset bregdetare vetëm në kohën e rrebesheve dhe vranësirave do të ketë ulje të temperaturave, ndërsa në kohën e intervaleve me diell temperaturat rriten ndjeshëm deri afër 30 gradë Celsius./MeteoBallkan
