Atmosfera sot ka “shpërthyer” është destabilizuar dhe ka “eksploduar” në shumë pjesë të Bosnjës dhe Hercegovinës ku ka disa celula të fuqishme të stuhive pas zhvillime intensive konvektive. Stuhi të izoluara kemi edhe në veri të Malit të Zi, ndërsa disa zhvillime konvektive krejtësisht të izoluara kemi edhe në territorin shqiptar dhe në kufi mes Shqipërisë, Maqedonisë së Veriut dhe Kosovës.
Vende-vende në këto zona ka reshje të rrëmbyeshme me breshër, sidomos në Bosnjë dhe Hercegovinë, kurse më vonë priten edhe në lindje të Kroacisë dhe territorin e Serbisë.
Po ashtu orëve të ardhshme mund të kemi destabilizim të atmosferës edhe në Republikën tonë të Kosovës, por zhvillimet do të jenë të kufizuara në zona të izoluara, prandaj nuk priten reshje në gjithë territorin. Temperaturat mbesin të larta përkundër zhvillimeve dhe nëse ndodhë ndonjë freski ajo do të jenë e shkurtër dhe vetëm në ato zona ku eventualisht do të ketë zhvillime të vranësirave, reshje dhe erëra.
Përkundër zhvillimeve eventuale temperaturat do të mbesin të larta edhe ditëve të ardhshme, prandaj vala e nxehtësisë nuk do të ndërpritet por do të “zbutet” dukshëm edhe disa ditë.
Masa shumë të nxehta ajrore me origjinë nga Afrika veriore po mbretërojnë në rajonin tonë dhe pritet të vazhdojnë, por këtyre masave tani do iu bashkangjiten masa jo-stabile dhe më të freskëta ajrore me origjinë nga Atlantiku dhe për këtë arsye do të ketë zhvillime të stuhive të fuqishme lokale gjatë ditëve të ardhshme, me vetëtima, bubullimë dhe breshër, por temperaturat mbesin të larta dhe po ashtu reshjet eventuale nuk do të zgjasin shumë./MeteoBallkan
