Rajoni ynë sot gjendet nën ndikimin e masave ajrore cikonike që vijnë nga Atlantiku dhe Mesdheu dhe për këtë arsye temperaturat janë relativisht të larta për këtë periudhë kohore, ndërsa borë ka vetëm në zonat më të larta malore. Kjo gjendje sinoptike do të vazhdojë edhe ditëve të ardhshme, ndërsa temperaturat do të kenë tendencë rritjeje edhe pse gjendemi në muajin Dhjetor.
Zona ajrore anticiklonike që vjen nga juglindja e Evropes është shkaktare për mungesën e reshjeve atmosferike, ndërsa zona ciklonike nga Atlantiku dhe Mesdheu përpiqet të depërtojë drejt juglindjes duke sjellur vranësira dhe riga të pakta lokale shiu. Gjatë ditëve të ardhshme zonat ciklonike do të avansojnë më shumë duke larguar ndikimin e zonave ajrore anticiklonike dhe për këtë arsye reshjet do të vijnë duke u shpeshtuar.
Gjatë fundjavë cikloni i fuqishëm do të kalojë përmes rajonit tonë duke sjellur reshje të dendura shiu e në viset e larta malore priten reshje bore. Vende-vende do të ketë rreshje mjaft intensive dhe rrebeshe lokale shiu me vetëtima dhe bubullimë. Reshjet më të dendura priten në Shqipëri dhe veriperëndim e perëndim të Kosovës, por deri atëherë do të ketë ndryshime të vogla në ecuritë e masave ajrore dhe për çdo detaj do të njoftoheni me kohë në postimet tona të përditshme./MeteoBallkan