Temperaturat po shënojnë rritje përsëri dhe një valë e re nxehtësie po vjen nga ajri me origjinë nga Afrika veriore, megjithatë të Dielën pasdite do të kemi destabilizim të atmosferës në disa pjesë të Kosovës, pjesë të Maqedonisë së Veriut, veriut të Malit të Zi dhe në veri dhe lindje të Shqipërisë.
Këto zhvillime nuk do të jenë intensive dhe pak do të ndikojnë në freskim të motit, ndërsa në rajonet ku nuk do të ketë vranësira dhe zhvillime do të jetë shumë nxehtë dhe me zagushi.
Zhvillimet e së Dielës pasdite do të jenë të përqëndruara shumë më shumë në viset kodrinore-malore, por nuk përjashtohet mundësi që ndonjë rrebesh shiu të ketë edhe në ndonjë qytet apo qytezë të Kosovës.
Përndryshe përjashto rajonet me zhvillime eventuale që mund të freskohen përkohësisht, temperaturat do të vazhdojnë të rriten në mënyrë kontinuele.
Në pjesën më të Madhe të Shqipërisë nuk priten reshje dhe do vazhdojë vapa e fortë verore dhe thatësia.
Bazuar sipas ecurive aktuale sinoptike fillimi i javës së re do të shënojë rritje të mëdha të temperaturave dhe vapë të fortë verore. Edhe pse vapë e madhe çdo gjë do të jetë brenda kornizave klimatologjike dhe meteorologjike sepse jemi në mes të verës.
Një front krejtësisht i dobësuar mund të vjen të Martën pasdite, por kjo mbetet diskutabile dhe temperaturat nuk do të lëvizin, përpos ndonjë rajoni ku mund të ketë ndonjë zhvillim eventual.
Vapa e fortë verore vazhdon gjatë shumë ditëve të javës së re, por për këtë do të flasim në postimet tona të ardhshme./MeteoBallkan
