Përderisa po vazhdon fluksi i ajrit të nxehtë afrikan kjo edhe shënon valën e parë të nxehtësisë serioze për këtë verë në rajonin tonë. Reshjet e shumta të ditëve, javëve dhe muajve të kaluar kanë akumuluar sasi të madhe uji në Liqenet e Kosovën dhe kjo është pozitive.
Megjithatë nga reshjet e mëdha dhe temperaturat e ulëta pësuan shumë kultura bujqësore por me theks të veçantë sektori i bletarisë, ngase në kohën më të përshtatshme kur bletëve iu nevojiten rreze diellore dhe nxehtësi pati reshje të mëdha dhe gati të pandërprera.
Sipas ecurive më të reja sinoptike kjo nxehtësi do të zgjasë deri të shtunën. Rreziku i rrebeshit të izoluar afatshkurtër do të jetë prezent gati çdo ditë, ndërsa të shtunën pritet të kemi freskim të motit dhe destabilizim të fuqishëm të atmosferës për shkak të ardhjes së një fronti të ftohtë në atmosferën e nxehtë.
Sipas të gjitha gjasave fronti dhe reshjet do të jetë kalimtar dhe nga e diela do të pasojë stabilizimi gradual i motit por njëherë për njëherë nuk priten temperatura të larta sikur gjatë kësaj jave./METEOBALLKAN
