Nëse shohim edhe në imazhet satelitore vërejmë se rajoni ynë mbetet ende në qendrën e nxehtësisë, kurse në drejtim të veriperëndimit kanë filluar disa jostabilitete të atmosferës.
Temperaturat tek ne kanë arritur kulmin dhe kështu do të jetë edhe në vazhdim të ditës. Gjithashtu pritet edhe një natë mjaft e nxehtë, por disa pjesë të Ballkanit verior dhe veriperëndimor do të freskohen sonte duke filluar nga Sllovenia, Kroacia, Bosna dhe Serbia. Rrebeshe shiu mund të ketë edhe në veriun e Mali të Zi, ndërsa ne do të duhet të presim dhe të “përvëlohemi” deri nesër pasdite kur pritet që fronti i ftohtë të arrijë përfundimisht edhe tek ne.
Përderisa tek ne pritet natë e qetë dhe e nxehtë në bregdetin dhe viset kontinentale të Kroacisë, në Bosnë dhe Serbi pritet natë mjaft e stuhishme me rrebeshe të fuqishme shiu, erëra të fuqishme dhe mundësi edhe për tromba (tornado ujore) në Adritaikun verior.
