Afrimi i një cikloni nga veriperëndimi i Kontinentit nuk pritet të sjellë reshje të mëdha në territoret tona, me përjashtim të veriut të Shqipërisë deri në qendër të vendit ku herë pas here priten reshje lokale shiu të cilat në disa raste mund të jenë intensive. Në viset tjera priten riga lokale shiu kryesisht të dobëta, pak më të forta në disa vise të Dukagjinit. Reshje herë pas here intensive priten edhe në Mal të Zi, ndërsa reshje më të fuqishme nga ky ciklon priten në shtetet e rajonit veçanërisht në Kroaci.
Të dielën na pret mot me intervale kohore me diell dhe vranësira të cilat në disa rajone mund të kushtëzojnë ndonjë rigë ose rrebesh afatshkurtër shiu. Do të jetë ngrohtë, por me erëra vende-vende të fuqishme nga jugperëndimi.
Nga e hëna cikloni i ri me reshje të reja shiu e bore në viset kodrinore-malore si dhe ulje e temperaturave. Reshje bore mund të ketë edhe në disa ultësira të Republikës së Kosovës./Meteoballkan
