Edhe sot një pjesë e territoreve tona po ndikohet nga masa ajrore kontinentale që vjen nga veriu dhe verilindja, por shumë më e fuiqshme është masa ajrore e ngrohtë që vjen nga Mesdheu, perëndimi dhe jugperëndimi.
Prandaj, veriu dhe lindja e Kosovës, pjesë të qendrës dhe Lugina e Preshevës mund të kenë ende ndonjë rrebesh lokal shiu, shqote e bore si pasojë e frontit të dobësuar, të ftohtë ajror, ndërsa në viset tjera fitojnë terren absolut rrymimet ajrore shumë të fuqishme, të ngrohta nga perëndimi dhe jugperëndimi.
Në anën tjetër ciklonet e fuqishme që erdhen nga Evropa, po largohet përfundimisht nga territoret tona dhe në vend të tyre vijnë masa ajrore stabile anticiklonike nga jugperëndimi i Evropes. Kjo nënkupton përpos stabilizimit të motit edhe rritje e temperaturave, ndërsa kjo rritje e temperaturave nuk do të pengohet më nga frontet e Atlantikut që sollën reshje intensive shiu, bore e shqote ditën e Premte.
Për fund: përmirësimi i motit po vjen pashmangshëm dhe vetëm edhe sot kemi një front të dobësuar, të ftohtë ajror i cili vetëm në disa zona të Kosovës do të shkaktojë reshje lokale.
Nga nesër përmirësim substancial i motit, me intervale kohore me diell, vranësira lokale kalimtare e rritje të temperaturave. Mund të ndodhë prapë fenomeni i inversionit të temperaturave, apo paraqitja e mjegulles dhe vranësirave të ulëta nëpër disa lugina dhe ultësira sidomos orëve të hershme të mëngjesit. Rritja e temperaturave do të ndodhë edhe në viset e larta malore, prandaj do të vjen deri te pakësimi i borës.
Vazhdon trendi që po bëhet gati fenomen i nxehtësisë dhe mungesës së borës për festat e fundvitit./MeteoBallkan
