Blloku anticiklonik në Skandinavi dhe veriperëndim të Evropes po kushtëzon mot stabil atje, ndërsa Mesdheu vazhdon të jetë mjaft aktiv me masa ajrore ciklonike. Për këtë arsye kemi mot të paqëndrueshëm në vazhdimësi dhe kjo gjendje do të vazhdojë edhe më tutje.
Me qëndrimin e bllokut anticiklonik në veri dhe veriperëndim të Evropes masat ciklonike mbesin të bllokuara në juglindje dhe Mesdhe. Për shkak të këtyre masave ciklonike kemi zhvillimet e rrebesheve lokale të shiut pothuajse çdo ditë dhe këto reshje janë krejtësisht të karakterit lokal ku në disa vise pati dhe do të ketë edhe stuhi të izoluara me rrebeshe intensive, breshër dhe bubullima masive.
Siç po vërehet në imazhin satelitor vranësira dhe vetëtima ka në Mesdhe që nga Iberia, Italia, Ballkani e deri në Detin e Zi dhe Rusi në lindje.
Mot gati i ngjashëm do të vazhdojë edhe ditëve të ardhshme, me alternime mes vranësirave, intervale kohore me diell, rigave të shiut dhe zhvillime të stuhive të izoluara me rrebeshe intensive dhe breshër./METEOBALLKAN