Nga Oqeani Atlantik kemi depërtimin e masave të lagshta ajrore në drejtim të rajonit tonë dhe për këtë arsye kemi reshje atmosferike. Presioni atmosferik është i ulët, pra nuk kemi ndonjë anticiklon i cili do të pengonte depërtimin e këtyre reshjeve. Reshjet nuk janë intensive tek ne, por janë më të dendura në Bosnë, Mal të Zi, Kroaci dhe Serbi.
Nesër do të kemi ngritjen e presionit atmosferik pra fillimin e depërtimit të një anticikloni, megjithatë moti nuk do të jetë tërësisht stabil dhe do të kemi përpos intervaleve kohore me diell edhe vranësira të shpeshta ndërsa vende-vende edhe riga apo rrebeshe lokale shiu. Të shtunën rajonin ynë do të jetë nën ndikimin e masave ajrore të thata anticiklonike, megjithatë një ciklon i fuqishëm do të krijohen në qendër të Italisë dhe Detit Adriatik ditën e diel. Ky ciklon do të stacionohet diku afër jugut të Italisë për disa ditë duke sjellur reshje të fuqishme shiu shumë pjesëve të Gadishullit Ballkanik. Më të rrezikuarat si zakonisht do të jenë Bosnja dhe Hercegovina, pjesë të Kroacisë, Serbisë, Malit të Zi dhe Maqedonisë. Në Bosnjë dhe Hercegovinë mund të ketë përmbytje katastrofike.
Rrebeshe lokalisht të fuqishme shiu nga e diela e tutje do të përfshijnë edhe Shqipërinë dhe Kosovën, por sipas ecurive aktuale përpos vërshimeve afatshkurtëra dhe lokale, nuk priten vërshime të përmasave të mëdha. Këto informacione nuk janë ende përfundimtare dhe ne do të përcjellim situatën me shumë vëmendje dhe do tju informojmë me kohë për çdo eventualitet./Meteoballkan
