Gati e tërë Evropa dhe raoni anë gjendet nën ndikimin e masave të paqëndrueshme atmosferike dhe temperaturave të ulëta që vijnë nga verilindja e Kontinentit. Në lindje kemi masa ajrore ciklonike deri në Rusi, ndërsa në perëndim ose veripeërndim kemi masa anticiklonike të fuqishme të stacionuara përtej brigjeve të Britanisë së Madhe në Oqeanin Atlantik. Pikërisht ky anticiklon ka merita të mëdha për vazhdimin e motit dimëror në Evropë. Gati në tërë rajonin kemi zhvillime të vranësirave, por edhe intervale të shkrurtra kohore me diell. Vende-vende vranësirat kushtëzojnë edhe rrebeshe shiu nëpër ultësira dhe bore në viset kodrinore-malore. Në shumë rajone kemi edhe paraqitjen e reshjeve hibride si dhe kokrra të akullit.
Masa të tjera të ftohta nga verlindja po afrohen në rajonin tonë dhe në Mesdhe. Si pasojë në Mesdhe dhe Afrikën veriore kemi masa ciklonike të cilat në kontakt me këto masa të ftohta ajrore zhvillohen dhe fuqizohen duke u nisur në drejtim të rajonit tonë.
Ky ciklon siç kemi theksuar kaherë do të vijë tek na nga e shtuna duke kushtëzuar reshje shiu e bore. Priten alternime të shpeshta mes shiut e borës sidomos nëpë ultësirat. Priten edhe reshje të përziera dhe normalisht në shumë vise tona edhe reshje spektakolare bore.
Informacione më të detajuara në mbrëmje dhe nesër./Meteoballkan
