Bllokada anticiklonike në Atlantikun verior, Skandinavi dhe Rusi është faktor kyq për të patur një dimër të fortë në Evropë dhe kjo ka filluar të ndërtohet.
Për një kohë kemi masa të fuqishme anticiklonike në Siberi dhe ky anticiklon i fuqishëm gjatë fundit të Nëntorit dhe fillimit të Dhjetorit krijon ekspansion mjaft të fuqishëm drejt Skandinavisë e cila do të paraqet një bllokadë shumë të fuqishme anticiklonike. Kjo do ti hapte rrugën ajrit mjaft të ftohtë siberik të fillojë të depërtojë në drejtim të Evropes.
Të gjitha shenjat dhe sinjalet qojnë në një zhvillim të tillë gjatë Dhjetorit dhe kjo do të nënkuptonte dimër mjaft të fortë fillimisht në Evropen veriore e pastaj edhe në atë veriperëndimore, gjegjësisht në Britaninë e Madhe, Francë, Gjermani, shtetet e Beneluksit, Poloni etj. Në fillim Gadishulli Ballkanik do të gjendej nën ndikimin e masave relativisht të ngrohta nga Mesdheu dhe pastaj varësisht nga evoluimi i gjendjes sinoptike gjatë atyre ditëve do të mund të ketë goditje dimërore edhe te ne.
Të gjitha sinjalet fillestare flasin për një Dhjetor mjaft interesant, por këto janë vetëm sinjale dhe asgjë ende nuk mund të parashikohet me një saktësi tepër precize./MeteoBallkan
