Gjykuar sipas ecurive aktuale sinoptike në rajonin tonë gjysma e parë e muajit Maj do të karakterizohet me mot të ngrohtë dhe kryesisht të thatë, por kjo nuk do të thotë se nuk do të ketë nganjëherë depërtime të fronteve të ftohta ajrore të cilat ulin temperaturat dhe shkaktojnë destabilizim të atmosferës, por këto do të jenë më të rralla se zakonisht gjatë periudhës së njëjtë kohore. Muaji Maj është i njohur për reshje të dendura shiu dhe shtrëngata të shpeshta, por kjo nuk pritet të ndodhë në rajonin tonë gjatë gjysmës së parë të ketij muaji.
Parashikimi ynë është i përgjithësuar dhe i bauzar në ecuritë aktuale sinoptike të cila eventualisht mund të ndryshojnë, ngase parashikimet afatgjata nuk janë tërësisht të sakta.
Siç po e shohim edhe vet mbi rajon kanë depërtuar masa të ngrohta ajrore me origjinë nga Afrika Veriore për shkak të rrymimeve të fuqishme ajrore nga jugu dhe jugperëndimi.
Vet fillimi i Majit na sjellë edhe vranisëra dhe riga lokale shiu, ndërsa pas disa ditëve priten edhe ulje të lehta të temperaturave. Pas kalimit të këtij fronti masa të ngrohta nga Afrika Veriore pritet të rikthehen përsëri dhe temperaturat pritet të arrijnë deri në 25-28 gradë Celsius. Reshje të mëdha amtosferike nuk priten, përpos destabilizimeve afatshkurtra eventuale.
Shtrëngatat e fuqishme me bubullima janë më të mundshme në gjysmën e dytë të këtij muaji, sidoqoftë për këtë do të jemi duke e përcjellur evoluimin e gjendes sinoptike dhe do ju njoftojmë në postimet tona të përditshme.
Pra, në përgjithësi pjesa e parë e muajit Maj pritet të jetë e ngrohtë, me rrymime ajrore nga jugu. Nuk do të mungojnë as vranësirat e herëpashershme por reshje të mëdha atmosferike nuk priten./Meteoballkan
